Yockli un der Beerebaam

Es schickt en Mann der Yockli naus
fer die Beere schiddle.
Yockli will net Beere schiddle
un die Beere welle net falle.

So schickt der Mann en Hundli naus
fer des Yockli beisse,
Hundli will net Yockli beisse,
Yockli will net Beere schiddle,
un die Beere welle net falle.

So schickt der Mann en Schteckli naus
fer des Hundli schlagge.
Schteckli will net Hundli schlagge,
Hundli will net Yockli beisse,
Yockli will net Beere schiddle
un die Beere welle net falle.

So schickt der Mann en Feierli naus
fer des Schteckli brenne.
Feierli will net Schteckli brenne,
Hundli will net Yockli beisse,
Yockli will net Beere schiddle
un die Beere welle net falle.

So schickt der Mann en Wasserli naus
fer des Feierli lesche.
Wasserli will net Feierli lesche,
Feierli will net Schteckli brenne,
Hundli will net Yockli beisse,
Yockli will net Beere schiddle
un die Beere welle net falle.

So schickt der Mann en Oxli naus
fer des Wasserli saufe.
Oxli will net Wasserli saufe,
Wasserli will net Feierli lesche,
Feierli will net Schteckli brenne,
Schteckli will net Hundli schlagge,
Hundli will net Yockli beisse,
Yockli will net Beere schiddle
un die Beere welle net falle.

So schickt der Mann en Butscherli naus
fer des Oxli schlachde.
Butcherli fangt aa Oxli schlachde,
Oxli fangt aa Wasserli saufe,
Wasserli fangt aa Feierli lesche,
Feierli fangt aa Schteckli brenne,
Schteckli fangt aa Hundli schlagge,
Hundli fangt aa Yockli beisse,
Yockli fangt aa Beere schiddle
un die Beere sin all gfalle!

Quelle: C. Richard Beam's Pennsylvanisch Deitsch Eck, May 17, 1989