Category Archives: Pfalz und Pfälzisch

De Belznickel kummt

Wann’s heit owend dunkel iss,
Kummt de Belzenickel.
Un, des weess ich ganz gewiss:
Eens grieht er beim Wickel!

Sinn schee brav! Ball schteht er drauss,
Duht am Lade rittle.
Un ganz schnell vor unserm Haus
Sich de Schnee abschiddle.

Horch, jetz kummt die Treppe hoch
So en schwerer Dritt!
Ei, ich glaab, er iss es doch!
Bringt er ebbes mit?

Schnell,en Versje noch browiert,
En Gedicht gepischbert.
Voller Angscht un ganz scheniert
Werd bloss noch gewischbert.

Wer gelernt, wie sich’s geheert,
Der kann freilich lache:
Fer den werd de Sack geleert,
Der grieht sieesse Sache!

Bertl Pardall

Grooss Dank, Ingrid Templeton (“die paelzisch Fraa in Pennsylvania”) fer mir sell Gedicht schicke. Ich hab’s yuscht gfunne en Schtunn zerick in mei Mailbax. Mir winsche alliebber im alde un im neie Land en hallicher Grischtdaag – abbadich seller Belzickel uff em Pickter, wu ball “Co-Editor” vun “Hiwwe wie Driwwe” iss.

Michael Werner

Silwerherbscht

Wecker um siwwe,
noch leie gebliwwe,
kää schlecht’ Gewisse,
hab lang genung misse.

Dann naus, des halt g’sund,
um de See, die groß Rund,
ordentlich g’schwitzt
un gehofft, dass’ was nitzt.

Zeidung, druckfrisch
am Friehstiggsdisch,
Kaffee un Weck,
aa mo Eier un Speck.

Korz telefoniere,
im Gaade rumriehre,
mim Enkelche spiele,
die greescht Frääd vun viele.

De Nochber – kennscht helfe?
Wann? Naja, noo de zwölfe,
allää is e Plooch,
jo, des is doch kää Frooch.

Zwää Männer, vier Hend,
zufriede am End,
e Gläsje als Dank,
hinnerm Haus uff de Bank.

Brauch gar net viel,
ferr e echt guudes G’fiehl,
blooß bissje Zeit
ferr die richdiche Leit.

Im Kreiz hinne stecht’s,
links garnix, blooß rechts,
laaf bissel krumm,
sowas werft ähm net um.

Hett’s kenne wisse,
allahopp, Kerschkernkisse,
morje frieh, so um viere,
is nix mehr se spiere.

’s zwiggt noch um siwwe,
doch was gebliwwe!
Tja, alles losst noo,
trotzdem gilt: Groo, awwer doo!

Hanns Starck
Bobenheim-Roxheim

Midde im Summer

vun Sunneschtrahle gschtrechelt
zart warm weech
vun Blummegsichter aagelacht
farwefroh lewensfroh
dezu voll Inbrunscht
e Solo vun ere Grill
un midde nei
in mein behaachliche Summerdaag
des Wort doot
zamme mit deim Name

vor korzem noch
Werder zwische uns
fladdere gelosst
leicht
wie Schmedderlinge
mer kennten uns
den Summer
mol widder sehne
minanner verzehle
schee esse gehe

es hot Aadeidunge gewwe
un ich hett
ebbes merke gekennt
wisse gemisst
wie launisch die Zeit
mit ehm umgeht
ich awwer
aarisch beschaefticht
un schliesslich
de Summer yo noch lang

Gisela Gall
(Bad Dürkheim)

1. Preis
60. Mundartdichter-Wettstreit
Bockenheim 2012

Sell iss verleicht meh en Neiigkeet zu die Leit im alte Land. En Familie mit Name “Kelly” iss alliwwer guud bekannt in Deitschland fer ihr Musick. Der Paep und die Memm henn geschtaert in die 1970 mit ihr 10 Kinner Musick schpiele middes in die Schteddel, un die Leit henn sell gegliche. Schpeeder henn sie Concerts gewwe in grosse Bletz. “Kelly” iss ferschur Eirish (un gedollisch), un die meenschte Glieder gucke wie sell. Awwer die zwett Fraa vum Paep waar vun Ohio, un sie waar en Brodestand. Nau henn Genealogists ausgfunne, ass die Kellys uff die Mudderseit Naame wie Kline, Faassnacht, Faassnacht-Meentzer un Mellinger (Möllinger) in ihr Familiebaam henn. Interesting iss abbadich die Mellinger Familie. Der erscht Mellinger in die nei Welt hot gsettelt in Ephrata un gwuhnt neegscht zum Cloister zamme mit der Conrad Beissel. Er waar en Mennischt vun Ruchheim aus die Pfalz (en glee Schtettel neegscht zu Frankenthal). Die Voreldre vun seller Mellinger henn zu duh ghatt mit der Jakob Ammann. ‘S hot en grooss Dischbedutt gewwe zwischich die Mennischte un den Drupp Mennischte Leit, ass mehner gegliche henn, wie der Ammann die Biewel ausglegt hot. Fer sell hot’s en Splitt gewwe zwischich die Mennischte un die Leit, ass mer schpeeder “Amish” gheesse hot. ‘S gebt es Blatt Babier, wu sell Splitt uffgschriwwe iss warre – un sell Babier waar gseint bei en Kall mit Naame Mellinger … der Joey Kelly, ass es meenscht geindresst waar in selli Gschicht, hot sell schier net glaawe kenne. An der do Blatz kenne mer yuscht der letscht Paert vun 3 uff’s hiwwe-wie-driwwe.de duh. Die erschte zwee Paerts kammer leicht finne uff youtube.de.

Allerheiliche-Gaarde

Die Blumme sin fascht all verfror’,
Graad so ee Ros schtellt noch de Kopp.
Die Sunn hat lengscht an Graft verlor,
Schteht yetzt dief schun hinnerm Schopp.

Die Beede sin ball umgegrab’.
De Grund is dunkel un glaenzt feicht.
De Wind spielt mit’m derre Laab,
Das danzt do rum so fedderleicht.

Ball is das Yaahr do aa schun rum,
So arig viel is nimmi draa.
Wu is dann blooss die Zeit hiekumm’,
Yetzt fangt schun de November aa!

Drauss uff’m Karichhof geht mer heit
An sell’ un yenem Grab verbei.
Wer weess, verleicht kummt ball die Zeit,
Wo aa ich selwer mol datt lei.

So langsam watt mer’s kiehl dohaus.
Doch horch, sie rufe iwwer mich.
Ich geh zerick ins waarme Haus.
De Kaffee schteht schun uff’m Disch.

Günther Speyer (Kaiserslautern, Palatinate)