Category Archives: Deitsch Web TV

Click do fer es Video sehne:

‘S iss Faasnacht, un die Madenford Familie in Pennsylvaani iss widder “Faasnachts” am backe. ‘S iss kenn hatter Tschabb, awwer’s nemmt en Weil – wammer es der recht Weg duht. Scheint’s henn die Kinner die erschte Faasnachts abbadich gegliche. ‘S guckt wie sell …

Click do fer’s Video schtaerte.

Sarah Swartzentruber waar Amish uffgebrocht, un sie hot deitsch gschwetzt deheem. Uff des do Video weist sie alliebber erschte Wadde in Pennsylvanisch-Deitsch. Mer hoffe, sie duht meh Videos wie sell in die neegscht Zeit.

Click do fers Video schtaerte.

Der Mike un die Linda Hertzog henn der Neiyahrswinsch 2019 geduh uff Berks County TV (BCTV). Sell waar im Program “Die Pennsylvanisch Deitsch Schtunn”. Der Patrick Donmoyer hot en Interview gemacht die die zwee un hot ihne aa en Award gewwe. Alle beed sinn 2019 die “Featured Artists” vun “Hiwwe wie Driwwe” – so welle mer en wennich meh bekannt mache in die neegschte Munete, was die zwee am duh sinn. ‘S iss es latt, sell iss ferschur. All unser Website Bsucher winsche mer en hallich nei Yaahr 2019!

Fer es Video sehne, click datt: Schtaert Video

‘S nemmt nimmie lang, un’s mer henn widder Grischtdaag. Fer sell legt uns unser Freind Doug Madenford nochemol aus, was der pennsylvanisch-deitsch Belznickel iss. Ya gewiss, die Pennsylvanisch-Deitsche henn ihr eegner Kall ghatt, ass die Bresends gebrocht hot zu die Kinner. Sell glaabt dihr net. Nau haricht mol, was der Doug verzehlt …

Click do fer’s Video sehne.

Der Patrick Donmoyer, Director vum “Pennsylvania German Cultural Heritage Center” in Kutzeschtettel, waar im alte Land gwesst in Oktower 2018. Er hot gschwetzt iwwer Scheierschtanne, Elbedritschlicher un Braucherei in Alzey, Oberalben, Bockenheim um beim 13th German-Pennsylvanian Day im Schtettel Ober-Olm. In Bockenheim hot er beim 66th Palatine Dialect Writers Contest sei Gedicht “Die Wandrer” glese. Die 250 Leit hatt henn sell Text abbadich gegliche …