Es Schnuppduch

By Luella Sebo

Ich bin yuscht en zimmlich glee Duch
Vielleicht kannscht du mich finne in me Buch
Wenn Ich alt un beliebt bin
Leit verschtecke mich bis schpeeder datt hinn.

Nau, Ich bin net gans weiss un bleen
Ich hab paar Blumme fer eich; yuscht sehn
Mei Schweschder iss gsammt mit scheener Schnur
Sie iss arrig eigebildt. Sell iss fer schur.

Eb die Kinner sin zu er Karrich gange
Sie hen Wexle gebunne zu aafange
Un aa als zum Schtor fer ebbes zu kaafe
``Sie hen mich gedraagt wann sie waare am laafe

Noch die Memm hot mich gebickelt
Ich hab viel Aagewasser gedrickelt
Fer all guder un shlechtier Zeit
Ich waar geyuust mannichmol bei die Leit.

Babier hot mei Arewet weck gnumme
Un nau, zu mir, so wenniche Leit kumme
Awwer Ich schteh noch bei
Ich hoff du witt mich bsuche glei.