Glaabt’s odder net, awwer Grundsau Lodsch No. 19 kummt aardlich rum im Yaahr 2024 im alte Land. Am 2. Hanning welle die Leit uff em Board die Grundsei wacker mache im Wildpark Silz ganz im Sudde vun die Pfalz ganz neegscht zu France. Am 3. Hanning, een Daag schpeeder, sinn sie mit ihr Program im Schtettel Lampertheim, zamme mit die “New Paltz Band”. Un sei End find der Grundsaudaag 2024 am Sunndag, 4. Hanning, im Schtettel Bockenheim an der Weinstrasse, wu es en grooss Versammling gebt. Datt macht die Band “Woifeschdkänich” Musick, un alliebber iss eiglaade datt anne geh fer sell abhariche. “Bockrem Bert”, die Grundsau datt, gebt ihr Wedderprophezeihing. Sell watt ferschur en groosser Gschpass!
Hiwwe wie Driwwe 