Nau iss widder selli abbadichi Zeit, wu die “Wilde Yagd” am ziehge iss darich die Luft. Geb Acht, ass du deheem bischt, wann’s duschber watt, so ass dich die Gschpucke net nuff ziehge darich die Luft un mitschleefe fer alli Zeit. Bleib deheem un duh kenn Wesch wesche zwischich Grischtdaag un Nei Yaahr. Wann du selli Wesch uffhenke duhscht drauss im Gaarde, noht kennt sich die “Wild Yagd” drin fange, un noht waerscht du rielli in groosser Druwwel! Witt meh wisse iwwe die “Wilde Yagd”, so klick uff seller Link, un duh kannscht en Podcast heere iwwer seller Zug vun Gschpucke un noch en latt meh, ass am aageh iss in die duschber Zeit, un was die pennsylvanisch-deitsche Leit noch alles geglaabt henn Yaahre zerick.
Hiwwe wie Driwwe 