Deitsch Web-TV: Elbedritsche

Nau, wer vun unser Leser deet wisse, was en Elbedritsch iss? Ya, ferschur, sell iss en glee Gedier, ass drauss im Busch lebt un hatt zu fange iss. Gmeenerhand geht mer sie yaage, wann’s Winter iss un kalt. In seller Yaahreszeit gebt’s net so viel Bledder an de Beem, un mer kann sie besser sehne. Mer muss in die Nacht geh mit etliche Kalls. Noht nemmt’s noch en Sack un en Ladann. Sell iss fer der Kall, ass der eefachscht Tschabb duh muss, weil er’s erscht mol debei iss. Seller nei Kall, ass nix weess vun en Elbedritschlicher Yacht, hebt der Sack un die Ladann. Un all die annere Buwe gehne fatt mit Gegrisch un browiere, die Elbedritschlicher zum Sackhewer zu dreiwe. Alsemol hot sell schunt gschafft, hot mer ebber verzehlt …