Ebbes aus em alte Land: Wer iss en Paelzer?

Paelzer (Palatines)

Werd eens gebore, wu egal,
in Schpeyer odder Frankedaal,
in Neistadt, Lautre, Bermesens,
im Paelzer Wald, or nah die Grenz,
am Dunnerschberg, or aach am Rhei,
des kann dann blooss en Paelzer sei.

Doh waar die Mudder graad mot fort,
an irgend emme fremme Ort,
kummt in die Woche — irgendwu,
aach des gebt dann en Paelzer Bu,
or Paelzer Maedcher, des iss klaar –
un wann‘s in Buxtehude waar.

Dann gebt‘s aach noch e drittie Sort,
die wohnen weit, am fremme Ort,
wie Pennsylvaani, beischpielsweis,
un fallen uff durch Schprooch un Fleiss
un waaren niemols in de Palz.
Aach des sinn Paelzer, jedenfalls!

E viertie Sort sinn die am Enn,
die wu kee Paelzer Eldre henn.
Wu zugewannert irgendwann
un machen nie de Palz en Schann.
Aach des sinn Paelzer, ganz gewiss,
selbscht wann die Haut mol farwich iss,
so guud wie alle annre aa:
Ich hoff, des iss jetzt yedem klar!

Paul Tremmel
Forst (Palatinate, Germany)