Deitsch Web TV: Die Mudderschprooch in Hollywood?

Posted on July 11, 2013 by Michael Werner | 3 Comments

Glaabt’s odder net, awwer en pennsylvaanisch-deitschi Schtori kammer verleicht ball gucke in en Hollywood Movie. Schur! Verleicht henn deel vun eich schunt ebbes gheert vun die “Blue-eyed Six”, ass gwuhnt henn in Lebanon Kaundi in die 1880s. Sie henn ebber gematt, weil sie Geld henn gricke welle vun sei Inschurans. Bruce un Brian Kreider welle sell Project ans geh gricke un sinn am gucke fer was? Fer Geld. Do kennt dihr en Trailer watche, ass sie geduh henn en paar Munet zerick. Der Kall, ass schwetzt, guckt aardlich bekannt zu mir. Ich denk, ich hab ihn schunt gsehne in die Kutzeschtettel Gegend. Mer wisse net, eb sie aa die Mudderschprooch schwetze welle in die Movie selwert, awwer mer hoffe!

This entry was posted in Deitsch Web TV and tagged Bue-eyed Six, Lebanon, Movie, Pennsylvania Dutch, Pennsylvania German. Bookmark the permalink.

3 responses to “Deitsch Web TV: Die Mudderschprooch in Hollywood?”

Geri Urech | July 28, 2013 at 6:29 am |

Ja, zum Glueck verstoh ich Paelzer genauso wie Schwyzer Dialekt, Das chumt eim vor wie daheim. Des freut mi, dass eusi Sprooch au in Omerika g’sproche wird.
rollinger | July 12, 2013 at 3:21 pm |

Do maent ma grad ma ded do im Paelzer Wald hogge uff aennre Hit beim Schobbe dringe, debei is des in Omerika. Sache gibts, die glabt ma als gar nett.
dmadenford | July 12, 2013 at 12:25 pm |

Ya, ich hoff aa! Sell waerr fer schurr eppes wann der ganze Movie uff Deitsch waerr!