Deitsch Web-TV: Zaehle vun 1 zu 20

Nau, sell iss rielli en “Highlight”. Der Virgil Schrock hot en latt wunnerbaar guudi Videos gemacht mit unnerschiddliche Pennsylvanisch-Deitsche – sie wuhne all an unnerschiddliche Bletz un gehne zu unnerschiddliche Kariche un Gmeene. Awwer wammer yuscht abharicht, wie sie die Nummere schwetze, kammer eens vermaricke: ‘S laut neegscht, wie mir als noch schwetze in die Pfalz (Rhenish Palatinate, Germany). Sell iss vun wu die Voreldre vun die meenschte vun die Pennsylvaanisch-Deitsche abgschtaert sinn fer ins neie Land ziehge. Virgil, “Congratulations” nochemol fer der wunnerbaar Tschabb, ass du geduh hoscht mit selli Interviews … un hald die guud Arewet an. Mach yuscht so weider!