Deitsch Web-TV: Keith Brintzenhoff singt „Schlof, Bobbeli schlof“

Keith Brintzenhoff vun Kutzeschtettel weist unser Bsucher der pennsylvaanisch-deitsch Dulcimer. Er singt „Schlof, Bobbeli schlof“, en Schtick, ass guud bekannt iss im alde un im neie Land – hiwwe wie driwwe. Wer gleiche deet meh heere vum Keith, kann sell in October in Deitschland duh. Der Keith gebt drei Concerts in die Pfalz: October 19 im „Auswanderermuseum Oberalben“ neegscht zu Kusel, October 20 beim „60. Pfälzischen Mundartdichterwettstreit“ im Schtettel Bockenheim un October 21 beim „7. Deutsch-Pennsylvanischen Tag“ in Landau-Mörlheim. Wer meh Information gricke will, kann en E-Poscht schreiwe zu „Hiwwe wie Driwwe“.