‚S nei Yaahr 2012 iss do, un nau schtaerte die Pennsylvanisch-Deitsche widder mit ihre Grundsei-Lodsch Versammlinge. Sitter drei Yaahr browiere Leit im neie un im alte Land, all die unnerschiddliche Versammlinge un deitsche Claesse zamme zu gricke un alliebber wisse zu losse, wu – wann – was am aageh iss in Pennsylvanisch-Deitschland im Friehyaahr zwischich em zwett Hanning (Grundsau Daag) un em Kutzeschtettel Folk Festival im Tuschuli. Wann dihr geindresst seid in ausfinne, wu dihr annegeh kennt fer die deitsch Mudderschprooch heere un schwetze, sett dihr en Glied warre vun die Facebook Group „En Friehyaahr fer die Mudderschprooch“. Do iss der Link zu seller Drupp Leit: Klick yuscht datt.
Hiwwe wie Driwwe 