‘S KATZ DEITSCH SCHTICK: Disember 2007

Grischtdaag

Watt wacker Leit, ya, un aa du!
‘S Wunner iss nau gschehne,
Maria schockelt’s Kind in Schlof,
Un uff de Wiss, datt schtehn die Schof,
Nau sett die Nacht vergehne.

Schteig nuff, du Schtann! Flieg hie, du Wind!
Die Schadde sett dihr yaage.
Gebore iss es Kind im Schtall,
Un hallich sinn mir – iwwerall –
In unsre dunkle Daage.

Mir winsche alliebber im alde un im neie Land 
en hallicher Grischtdaag un en glicklich nei Yaahr 2008!