Die Aktion “Pfälzisches Mundartgedicht des Jahres” ist ab 2026 ein gemeinsames Projekt der “Pfälzischen Mundart-Stiftung” und “Hiwwe wie Driwwe”. Für die Wahl qualifizieren sich die Siegertexte der Mundart-Wettbewerbe des Vorjahres. Im Jahr 2025 waren das der “Pfälzische Mundartdichter-Wettstreit” in Bockenheim (Sieger: Matthias Zech) und der Sickinger Mundartdichter-Wettstreit (Sieger: Manfred Dechert). Beide Siegertexte treten nun in einer Wahl gegeneinander an. Wahlberechtigt sind rund 100 Mundartautorinnen und Mundartautoren sowie weitere mit der Mundartförderung befasste Persönlichkeiten, die von der Zeitschrift “Hiwwe wie Driwwe” Mitte Januar 2026 schriftlich (per Mail) zur Abstimmung eingeladen wurden und damit die Jury bilden. Der Text, der bis zum 31. Januar 2026 mehr Stimmen erhält, ist das “Pfälzische Mundartgedicht des Jahres 2026”. Die Übergabe der mit dem Sieg verbundenen Urkunde erfolgt am 17. April 2026 bei der Veranstaltung der “Pfälzischen Mundart-Stiftung” im Rahmen der “Mundarttage Bockenheim 2026”. Der Rechtsweg ist ausgeschlossen.
TEXT 1
Vadder, ich muß geh
Vadder, ich muß geh
Des war ewe e Ohrfeich se vel
Muß fort aus dem Kaff wose sich
bloß die Mäuler verreiße iwwer die
wo e anneres Lewe han wolle
Baun Eier Häuser allee unn
werrn glicklich uff Eire Poschte
in de Ämter werrn seelich
in Eierm Vorgarte unn Eierm Verein
Drum muß ich geh
Ich fahr jetzt fort aus dem
schääne langweiliche Ort do
Mei Määre is aa gang drum fahr
ich weit weit fort Vive la France
Wer weeß was werd
Wer weeß was kummt
Do wo ich jetzt bin brauchsche kää Abitur
sondern: es: Iwwerlewe kenne!
Bu kum hääm – hans net so gemäänt
Bei de Fremdelegion sinn schun
Manche nimmie hämkumm!
Musch doch Niemand zeiche-
das de e Held bisch
Vadder, es is zu spät
Sollese mich in Afrika abschieße
oder sunschtwo uff de Welt
Vadder, ich muß geh
Will net lewe als Halbdoter in Eierm Dorf
met Eicheheim unn me Bier zuvel in de Wertschaft
Hasch geh misse, Bu
Han manche Nacht net geschlof
Hasch recht – des war e Ohrfeich zuvel!
No Zwanzich Johr kummt e Bu in Uniform
unn de Vadder is aa e bißche stolz
Bu, loß Dich dricke
Des war Dei Weg
Manfred Dechert
Siegertext Sickinger Mundartdichter-Wettstreit 2025
TEXT 2
Hasselniss vum Vadder
frieher
do hot er viel gebabbelt
gerechent hot er schnell
fescht gschafft hot er fer uns
un alle Leit hot er gholfe
draagelangt un hiegelangt
uff alle Hochziche gedanzt
gelacht un verzehlt
un verzehlt un gelacht
des alles kanner nimmie
heit mit seine 91
er hert nix mäh
er kennt känns mäh
hot uffgheert zu verzehle
stunnelang
dut er draus uff de Terrass
Nixx uffmache
Hasselniss aus seim Gaade
E Kinnerbreigläselsche voll
Hot er mer mitgewwe
un ich du jeden Morche
do draus immer norre
äänie
in mei Müsli
ää äänzischie
do drin is alles
do drin do is
sei ganzie Lieb
sei ganzes Leewe
in dere Hasselnuss fer mich
Matthias Zech
Siegertext Pfälzischer Mundartdichter-Wettstreit Bockenheim 2025
Hiwwe wie Driwwe 